Qeveria paraqet për miratim në Parlament ligjin e parë kundër varfërisë

Qeveria greke e të majtës radikale e Aleksis Cipras paraqiti sot për miratim në Parlament, me mbështetje të konservatorëve, ligjin e parë të mandatit të tij kushtuar një pakete masash sociale për të mbështetur më të varfërit, të goditur nga kriza.

Ligji u votua në parim nga 149 deputetë të Syrizas dhe 13 aleatë të grekëve të pavarur, por gjithashtu nga partitë konservatore Demokracia e Re dhe socialite Pasok.

Projektligji do të bëhet objekt i një votimi nen për nen, ndërkohë që marrëdhëniet janë tendosur mes Athinës dhe kreditorëve të saj që kërkojnë një marrëveshje tjetër për zhbllokimin e fondeve për Greqinë.