Politika
Qeveria teknike. Opsioni më i mirë i mundshëm apo debat politik pa pasojë
Ajo që mediatikisht u konsiderua si thyerje e koalicionit PS – LSI, u argumentua nga kreu i lëvizjes socialiste për integrim si nxitje e nevojshme në momente tensioni.
Vetëm disa ditë përpara seancës së 21 Korrikut, ku pritej, me ultimatum nga ndërkombëtarët, miratimi i reformës në drejtësi, në mënyrë që të vazhdohej rruga drejt integrimit europian, pati shenja nga koalicioni qeverisës, për ngritjen e një qeverie teknike.
Vetëm një ditë më vonë, kreu i Kuvendit Ilir Meta, atë të cilën në sy të gjithë shqiptarëve, e quajti keqkuptim.
Fakti qëndron, se edhe tani, pas miratimit të ndryshimeve kushtetuese dhe nisjes së punës nga ekspertët për përpilimin e draftit për projekt-ligjin mbi vetingun, topfjalshi “qeveri teknike” shfaqet me zë dhe figurë nga deputetë të mazhorancës dhe opozitës, secili në opinionin bazuar mbi cilësinë e tij.
Me përfundimin de juro të amendamenteve kushtetuese, dhe nisjen de facto të procesit të ngritjes së institucioneve të cilat do ta implementojnë atë, kreu i selisë blu, Lulzim Basha, më 2 Gusht, ri-përmendi pretendimin për qeveri teknike. Duke cilësuar zgjedhjet e lira si synimin parësor të demokratëve, kreu i opozitës lakoi qeverinë teknike si kusht për realizimin e reformës zgjedhore.
Vetëm një ditë më vonë, ish-ministrja e integrimit Europian Majlinda Bregu, nëpërmjet një statusi në rrjetin social facebook, ndër të tjera ndau fenomenin e qeverisë teknike nga bashkjetesa e tronditur PS – LSI.
S’ kane pse ndahen Rama e Meta qe te provokohet nje qeveri teknike kur dashuria per Pushtetin është dukshëm më e fortë se sa urrejtja ëer njeri-tjetrin.
Ajo që mediatikisht u konsiderua si thyerje e koalicionit PS – LSI, u argumentua nga kreu i lëvizjes socialiste për integrim si nxitje e nevojshme në momente tensioni.
Pak orë më vonë, ishte një prej zërave më të vjetër në Partinë Demokratike, a ii cili i’u drejtua rrjetit social Facebook, për të dhënë qëndrimin e tij. Për Genc Rulin, kjo e sotmja nuk është një situatë e cila kërkon ndërmarrjen e një hapi të tillë.
Me pak se një vit deri në mbajtjen e zgjedhjeve të ardhshme parlamentare, mes punës për miratimin e paketës me 7 ligjet organike që shoqërojnë ndryshimet kushtetuese dhe reformës zgjedhore, ideja e një qeverie teknike duket se po shton tymnajën që rrethon ndryshimin më të madh kushtetues të 25 viteve të fundit.
