Qytetarët nënshkruajnë peticionin para Parlamentit, kërkohet dorëheqja e Fullanit

Protesta e shoqërisë civile kundër guvernatorit të Bankës së Shqipërisë Ardian Fullani është zhvendosur paraditen e sotme para parlamentit ku është vendosur të mblidhen firmat për një peticion që i kërkon parlamentit të marrë masa të menjëhershme për shkarkimin e Fullanit.

Organizatorin i këtyre protestave Zirkon Disha ka lexuar peticionin ku i kërkohet parlamentit që të mblidhet urgjent në një seancë të jashtëzakonshme ku të merret vendimi për shkarkimin e guvernatorit.

Nëse deputetët nuk reagojnë ndaj krimit financiar të vjedhjes së 713 mln lekëve atëherë ata bëhen bashkëpërgjegjës në këtë vjedhje, tha ai

Ditën e djeshme përfaqësues të shoqërisë civile zhvilluan një protestë 6 orëshe ku kërkuan dorëheqjen e guvernatorit Fullani.