Rama ashpërson tonet: Kush mbështet tezën e PD është i paguar
Kam dy ditë që pres vendin dhe orën, hajdeni ulemi dialogojmë”
Kryeministri Edi Rama ka kritikuar qëndrimet e Lëvizjes Socialiste për Integrim se zgjedhjet pa opozitën nuk mund të zhvillohen. Sipas tij, këto janë përpjekje të paguara.
Kreu i qeverisë doli në foltoren e parlamentit tejet i tensionuar nga ku u shpreh: “Përpjekja për t’u thënë shqiptarëve se zgjedhjet pa opozitën nuk mund të bëhen, është përpjekje e sponsorizuar, e paguar në dorë apo nëndorë, me para apo me peshqeshe, për të treguar që në thelbin e vet është qesharak”.
“Këta thonë zgjedhjet i ka policia. Policia nuk bën zgjedhjet, i bën administrata zgjedhore dhe sa për KQZ le ta marrin të gjithë…”, tha më tej Rama.
“Partitë konkurojnë qofshin bashkë, qofshin në aleancë, qofshin vetëm”, u shpreh më Kryeministri nga foltorja e parlamentit.
Kujtojmë se në seancë është vetëm PS dhe dy deputetët e larguar prej saj, Ben Blushi dhe Mimoza Hafizi.
