Rama: Bordet e institucioneve publike, barazi gjinore me vendim qeverie

Kryeministri Edi Rama është angazhuar në forumin e gruas socialiste se me vendim qeverie, të gjitha ndërmarrjet dhe institucionet publike do të kenë në bordet e tyre përfaqësim të barabartë meshkujsh e femrash.

“Është PS që solli në qeverinë e vendit aq gra saç nuk kishin hyrë në qeveri në 23 vjet të marra së bashku. Tani duam të marrim një tjetër iniciativë dhe të imponojmë me vendim qeverie që të gjitha bordet e ndërmarrjeve publike dhe institucioneve publike të ketë 50% gra dhe vajza e 50% burra e djem”, është shprehur kryeministri Edi Rama.

Ai solli si shembull të femrës model suksesi në qeveri të ministres së Arsimit Lindita Nikolla. Partia Socialiste vijoi rama, po garanton që përmes konkuresve në shërbimin civil të ketë edhe barazi gjinore.