Rama: Dekriminalizimi? Në janar momenti i së vërtetës

Kryeministri Edi Rama deklaroi se kriminelët që preken nga ligji i dekriminalizimit, i miratuar një ditë më parë nga Parlamenti, janë në kampin e Partisë Demokratike.

“Në janar, kur Parlamenti të mblidhet sërish, do të jetë momenti i së vërtetës për të parë sesa ka patur të vërtetë dhe sa ka qenë propaganda e baltës mbi kundërshtarin. Pres me padurim që të shohim kush janë kriminelët dhe mos gabohem janë numëruar 19 nga ana  e SHQUP-it dhe nga ana tjetër secili të marrë përgjegjësinë përpara popullit shqiptarë për çdo shpifje, akuzë dhe për çdo kriminalizim që i ka bërë Parlamentit për interesa politike”, u shpreh Rama.

Kryeministri deklaroi se janë hedhur bazat për një hap të mëtejshëm në transparencën e plotë në përzgjedhjen e kujtdo që përfaqëson shqiptarët në çdo nivel.