Rama: Dikush t’i thotë Bashës që paraja nuk është gjithçka

Kryeministri Edi Rama i është përgjigjur me ironi kreut të PD-së Lulzim Basha në lidhje me raportin e fundit për arsimin në Shqipëri.

“Sipas Lulit edhe PISA2015 ka përkthyer gabim rezultatet e Shqipërisë ne arsim! E kanë paguar! Dikush t’i thotë që paraja nuk është gjithçka”, shkruan Rama në Facebook.

Bazuar në raportin e publikuar të PISA-s, përfaqësuesja e Komisionit Evropian për Arsimin dhe Kulturën, Helene Skikos, vlerëson ministren Nikolla për punën që ka bërë në fushën e arsimit.

Letra vlerëson edhe punën e kryeministrit si edhe të reformave që janë ndërmarrë në fushën e arsimit.

“Jemi shumë të lumtur për mbështetjen që ministrja e Arsimit dhe kryeministri u kanë dhënë reformave në arsim në Shqipëri. Pranoni përgëzimet tona për rezultatet fantastike që 15-vjeçarët shqiptarë arritën në PISA 2015. Urime dhe mos hiqni dorë. Reforma në edukim është një rrugë e gjatë”, thuhej në letrën e Helene Skikos.