Rama: Nënë Tereza iu bashkua shenjtëve që Shqipëria i ka përfalur njerëzimit

Kryeministri Edi Rama u shpreh të martën se “Nënë Tereza iu bashkua shenjtëve që Shqipëria i ka përfalur njerëzimit dhe besimit tash sa mot”.

Në një postim në rrjetin social Facebook, kryeministri Rama thekson se “pas lumturimit, 13 vjet më parë, Nënë Tereza ngjiti sot qiellin e lavdisë së altareve të mbarë Kishës së përbotshme, falë vullnetit të Papa Françeskut”. Nënë Tereza iu bashkua kështu edhe shenjtëve që Shqipëria i ka përfalur njerëzimit dhe besimit tash sa mot. Forcë e shembullit të njehsimit me dashurinë për tjetrin, Nënë Tereza është e parëlindura shenjtore shqiptare e shekullit të ri dhe me siguri, një uratë për lumturimin e 40 martirëve shqiptarë, të cilët u përdëllyen në mbrojtjen e besimit dhe të ndërgjegjes përgjatë kalvarit të ferrit komunist, në shekullin që lamë pas!”.

Papa Françeksu firmosi sot dekretin për shenjtërimin e Nënë Terezës. Shenjetërimi i Nënë Terezës do të zhvillohet në 4 shtator 2016. Data 4 shtator do të shënohet në kalendarin Apostol si Dita e Shenjtores shqiptare, Nënë Tereza e Kalkutës.