Raporti i DASH, Rama: Shumë mbetet për t’u bërë

Kryeministri Edi Rama ka shkruar një status në Facebook mbi raportin e Departamentit Amerikan të Shtetit për kanabisin.

“Raporti i Departamentit të Shtetit provon sa shumë është bërë në luftën kundër kanabisit. Shumë mbetet për t’u bërë dhe do të bëhet se s’bën”, ka shkruar kryeministri Rama.

Ky status vjen vetëm 30 minuta pasi kreu i grupit parlamentar të LSI-së, Luan Rama kërkoi një reagim, duke e quajtur alarmante atë që thuhet në raport.

DASH e rendit Shqipërinë në vendet e prodhimit të drogës, dhe problematike në pastrimin e parave.