Rasti i parë me ebola në SHBA

Një person në Teksas të Shteteve të Bashkuara është diagnostikuar me virusin e Ebolës. Kjo është hera e parë që sëmundja vdekjeprurëse konfirmohet në SHBA.

Pacienti ka udhëtuar në Afrikën Perëndimore, ku mendohet të ketë marrë virusin. Presidenti i Shteteve të Bashkuara, Barack Obama, dhe udhëheqësi i Qendrës për Kontrollin e Sëmundjeve kanë diskutuar për “protokolle të rrepta të izolimit” për të kufizuar rrezikun e më shumë rasteve të Ebolës.

Dr Tom Frieden e ka siguruar Obamën se SHBA-ja ka infrastrukturën e duhur për t’iu përgjigjur në mënyrë efektive kërcënimeve të Ebolës.

Ebola ka vrarë mbi 3,000 njerëz në Afrikën Perëndimore.