Referendumi, Rama: Të ketë pjesëmarrje të lartë! PS fton publikisht anëtarët
Kryeministri Edi Rama, njëherësh kreu i Partisë Socialiste gjatë mbledhjes së grupit parlamentar u ka kërkuar deputetëve të informojnë anëtarësinë për votimin e referendumit të 9 prillit.
“Anëtarët e rinj të PS të jenë aktivë, të ketë pjesëmarrje të lartë” ka thënë Rama.
Një tjetër kërkesë drejtuar deputetëve ka qenë edhe për çështjen e çertifikatave të pronësisë, ku u ka kërkuar të informojnë fermerët sesi mund të pajisen me to.
Lidhur me reformën në drejtësi, Kryeministri mësohet të jetë shprehur se: “Opozita po lë të kuptohet se nuk e do reformën në drejtësi. PD nuk e do reformën për shkak të së shkuarës së saj në raport me drejtësinë”.
Rama ka folur edhe për 2 projektligjet që u diskutuan sot tek Komisioni i Ligjeve.
Rama: Kemi qenë luajalë me opozitën. Nuk mund të shkelim ligjin e Kushtetutën se do opozita.
Pas përfundimit të mbledhjes së grupit të PS, në deklaratë doli nënkryetari i grupit socialist, Taulant Balla, i cili ftoi të gjithë socialistët dhe bëri thirrje që të ketë sa më shumë votime.
