Reforma në drejtësi-Diskutohet kapitulli i Gjykatës Kushtetuese

Komisioni i posaçëm për reformën në drejtësi, i mbledhur paraditen e sotme pa praninë e medias, vijon me diskutimin nen për nen të paketës së rishikuar të ndryshimeve kushtetuese dhe konkretisht të kapitullit të dytë të saj, që lidhet me Gjykatën Kushtetuese. Kjo është një nga çështjet e nxehta të draftit, pasi lidhet me emërimin e anëtarëve të kësaj Gjykate, ndërsa mbledhja e sotme pritet të jetë një test për vullnetin politik të palëve.
Pas miratimit në parim të hënën të draftit kushtetues, komisioni nisi të martën me diskutimin nen për nen të tij, ku u miratua kapitulli i parë, që përmban 13 nene, ndërsa e gjithë paketa është e ndarë në 6 kapituj.