Bota
Refugjatët mund t’i kushtojnë Austrisë 23 miliardë euro
Një studim nga Këshilli Konsultativ Fiskal austriak sugjeron se imigracioni do t’i kushtojë Austrisë rreth 23 miliardë euro deri në vitin 2060.
Shteti do të duhet të paguajë 277 000 euro për çdo refugjat. Kjo do të thotë se imigracioni mund të ulë prosperitetin e vendit. Studimi u citua sot nga gazeta e përditshme austriake “Die Presse”.
Ekonomisti austriak, Gottfried Haber tha sot se “supozimet e bëra nga studimi, se sa persona do të vijnë, sa shpejt do të integrohen ata, janë kritike, por megjithatë, hulumtimet e deri më tanishme kanë treguar se do të duhen 10 vjet që të paktën gjysma e refugjatëve të kenë punë”, transmeton atsh.
Haber, i cili foli në radion kombëtare austriake “Oe1”, është anëtar i Këshillit Konsultativ Fiskal.
