Regjistrimi i popullsisë, Rama: Të vetmit që nuk kemi të dhëna të sakta

Kryeministri Edi Rama, deklaroi në një aktivitet mbi regjistrimin e popullsisë vendi ynë ka “nevojë për një sistem adresash të saktë, që familjet të jenë më të zhvilluara dhe më të sigurta”.

“Shqipëria është i vetmi vend që nuk ka të dhëna të sakta se sa njerëz jetojnë brenda saj, jashtë saj e ku jetojnë ata. Sipas të dhënave zyrtare, jemi 4.4 milionë banorë, por vazhdojmë të themi 3 milionë sepse jemi mësuar me këtë shifër”, deklaroi Rama.

“Jemi të vetmit në Europë që gjejmë shtëpinë me të pyetur. Në Kinë e dinë çdo ditë numrin e popullatës, bazuar në lindjet dhe vdekjet e një dite më parë. Shqipëria ka më shumë se 20 vjet që nuk e di numrin e popullsisë. Projekti i ri do të bëjë të mundur që çdo adresë për çdo individ të gjendet lehtësisht, nëpërmjet një numri personal që nuk ndryshohet”, shtoi Rama.

Ndërsa ministri i Brendshëm, Saimir Tahiri theksoi se në procesin e regjistrimit të popullsisë, nëse do të jetë e nevojshme, do të përfshihet edhe policia.