Robotët e paparë njëlloj si njeriu, ja çfarë do të bëjnë

Robotë në vend të njerëzve për të ndihmuar të moshuarit që vuajnë nga probleme shëndetësore. Kjo është e ardhmja, falë synimit ambicioz të kompanisë Toshiba e cila po punon intensivisht për të krijuar robotë, rezultatet e të cilëve janë shumë të mira. Shoqëria e famshme shfrytëzoi Ceatec, panairin e industrisë teknologjike më të famshëm në Azi, i cili mbahet në Tokio, për të treguar Aiko Chihira, emri i koduar i një roboti me fytyrë femërore që befasoi shumë njerëz për shkak të lirshmërisë së lëvizjeve dhe funksionit të tij. Ky robot është konceptuar për t’iu ardhur në mbështetje të moshuarve me aftësi të kufizuara, duke u programuar për të kryer aktivitete të posaçme. Aktualisht ky model është eksperimental, por inxhinierët e Toshiba synojnë ta hedhin në treg Aiko Chihira, brenda vitit 2020.