Rreth 20 gazetarë të huaj vizitojnë frontin e luftimeve në lindje të Ukrainës

Rreth 20 gazetarë të huaj veshën xhaketat e tyre antiplumb dhe hypën në bordin e një makine të blinduar për të vizituar frontin e luftimeve në lindje të Ukrainës. Kievi tenton të tërheqë dhe të kundërshtojë makinën e fuqishme mediatike ruse.

Ky udhëtim i shtypit është i pari parë për ushtrinë ukrainase që prej fillimit, në muajin prill, të operacionit antiterrorist në Lindjen separatiste që ka shkaktuar më shumë se 4 700 të vdekur.

Gazetarët që mbulojnë konfliktin në lindje duke përfshirë dhe ato të AFP-së, theksojnë se është shpesh më e lehtë për të punuar me rebelët prorusë dhe ankohen për pamundësinë për të intervistuar zyrtarët në vend dhe për kundërshtimet e ushtarëve ukrainas.

Kontrollet e dokumentave në disa pika kontrolli zgjasin për orë të tëra dhe gazetarët shihen shpesh herë të zmbrapsen.

Shumë të kritikuar, Ministria e Mbrojtjes dhe shërbimet e sigurisë i shpjegojnë këto shtrëngime për arsye sigurie, por premtojnë se do të lehtësojnë aksesin në zonat e konfliktit.

“Ne do të mundohemi të jemi më të hapur për gazetarët me qëllim që njerëzit të dinë se çfarë ndodh në zonën e operacionit ushtarak”, deklaroi ministri i Mbrojtjes, Stepan Poltorak para udhëtimit.

“Mirëdita, ne jemi të mrekulluar që ju shohim”, theksoi një zyrtar i lartë ushtarak për gazetarët që mbërritën me ftesë të Ministrisë së Mbrojtjes në zonën e konfliktit.