Rubio: SHBA mund të rivlerësojë aleancën me NATO-n

Sekretari i Shtetit i SHBA-së, Marco Rubio, kritikoi Spanjën dhe aleatët e tjerë të NATO-s për mbështetje të kufizuar në luftën me Iranin duke sugjeruar se Uashingtoni mund ta rivlerësojë aleancën pas konfliktit.

”Rubio tha se Shtetet e Bashkuara kishin zbuluar se Spanja, një anëtare e NATO-s që është e angazhuar ta mbrojë, kishte mohuar përdorimin e hapësirës ajrore të SHBA-së dhe ishte mburrur me këtë”, sipas një transkripti të vërejtjeve për ”Al Jazeera”, të publikuar dje nga departamenti i tij.

Ai tha gjithashtu se Uashingtoni ishte përballur me rezistencë në përdorimin e bazave ushtarake në Spanjë dhe gjetkë.

”NATO është e dobishme për Shtetet e Bashkuara sepse lejon që trupat dhe pajisjet të stacionohen jashtë vendit”, tha Rubio.

“Por, nëse NATO është vetëm për ne që mbrojmë Evropën nëse sulmohen, por pastaj na mohon të drejtat e bazave kur kemi nevojë për to, ky nuk është një rregullim shumë i mirë”, theksoi ai.

“Është e vështirë të qëndrosh i angazhuar dhe të thuash se kjo është e mirë për Shtetet e Bashkuara. Pra, e gjithë kjo do të duhet të rishqyrtohet”, shtoi Rubio, duke theksuar se NATO “nuk mund të jetë rrugë me një kalim”.

“Le të shpresojmë se mund ta rregullojmë. Do të kemi kohë ta adresojmë më pas”, shtoi ai.

Spanja kohët e fundit mbylli hapësirën e saj ajrore për fluturimet e lidhura me luftën e Iranit dhe më parë i kishte ndaluar Shtetet e Bashkuara të përdorin bazat ”Rota” dhe ”Morón” në Andaluzi për operacione.

Objektet janë operuar prej kohësh bashkërisht nga Spanja dhe SHBA-ja.

Presidenti i SHBA-së, Donald Trump, ka kritikuar vazhdimisht aleatët e NATO-s për atë që ai e sheh si mbështetje të pamjaftueshme në konflikt.

Neni 5 i klauzolës së mbrojtjes së ndërsjellë të NATO-s nuk zbatohet për luftën e nisur nga Shtetet e Bashkuara dhe Izraeli kundër Iranit./ a.jor.