Rusia riforcon flotën ushtarake në Detin e Zi

Rusia do të riforcojë flotën ushtarake në Detin e Zi, porti i aneksuar i të cilit është në Krime, gadishulli ukrainas i aneksuar nga Moska në muajin mars, njoftoi sot ushtria.
“Ne kemi nisur sot me zhvillimin e një flote të fuqishme në Detin e Zi”, deklaroi admirali Alexandre Vitko, në një mesazh të publikuar nga shërbimi për shtyp i flotës.
Ai përmendi zonat aero-detare, pjesët e artilerisë në bregdet, anije të tjera dhe nëndetëse.
Dje, presidenti rus, Vladimir Putin deklaroi se Rusia do të vendoste infrastruktura ushtarake në Sebastopol, në Krime, për të riforcuar mbrojtjen e vendit në përgjigje të riforcimit të pranisë së NATO-s në Evropën lindore dhe veçanërisht në Detin e Zi dhe në Detin Baltik.
Më shumë se 1,75 miliardë euro deri në vitin 2020 do t’i kushtohen zhvillimit të Flotës në Detin e Zi, kishte njoftuar në muajin maj ministri rus i Mbrojtjes, Serguei Choigou