Seancë solemne për Isa Boletinin

Kuvendi i Kosovës ka vendosur që më 9 qershor të mbajë një seancë solemne për Isa Boletinin, si dhe homazhe pranë arkivolit të heroit.

Lajmin e bëri të ditur kryetari i Kuvendit të Kosovës, Kadri Veseli, i cili tha se seanca do të mbahet në ora 12:00, kurse homazhet në hollin e Kuvendit do të fillojnë në ora 14:00, ku përveç deputetëve, edhe qytetarët do të kenë të drejtë të bëjnë homazhe.