Sekuestrohen 32 kg tritol, 3 të arrestuar
32 kg tritol janë sekuestruar nga Policia e Tiranës mëngjesin e së enjtes.
Lajmin e bëjnë të ditur burime të policisë së kryeqytetit, të cilat sqarojnë se si rezultat i operacionit të koduar “Stacioni i fundit” janë vënë në pranga 3 persona.
Të arrestuar janë Kel Ndreca, 52 vjeç, Gjon Ndreca, 27 vjeç dhe 38-vjeçari Ndue Kola. Të tre këta persona u ndaluan në segmentin rrugor Fushë-Krujë-Kamëz.
Policia pikasi të arrestuarit teksa Kel dhe Gjon Ndreca po i jepnin sasinë e tritolit Ndue Kolës. Ata akuzohen për veprën penale “prodhim dhe mbajtje pa leje e armëve luftarake”.
Policia vijon hetimet për zbardhjen dhe dokumentimin e plotë të ngjarjes.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.