Serbia synon të fillojë një ofensivë diplomatike për hetime rreth Kosovës
Serbia synon të fillojë një ofensivë të gjerë diplomatike për të nxitur një hetim ndërkombëtar lidhur me akuzat për trafikim organesh nga grupe të shqiptarëve gjatë luftës së vitit 1998-1999.
Ministri serb në gjykatën e Hagës, Rasim Ljajiç i tha radios serbe sot se fushata diplomatike do të bëhet përmes disa forumeve ndërkombëtare.
Ai foli në Beograd, para se të nisej për në selinë e Këshillit të Evropës në Strasburg të Francës për tu takuar me deputetin zviceran Dick Marty, autor i raportit që implikon kryeministrin Hashim Thaçi në tregëtinë e organeve.
Raporti i zotit Marty javën e kaluar thoshte se zoti Thaçi drejtonte një grup të Ushtrisë Çlirimtare të Kosovës që, sipas deputetit zviceran funksiononte si bandë kriminale të tipit të mafias gjatë dhe pas luftës.
