Serveri i tatimeve, Ristani: Nuk ka afat për komisionin

Afati i komisionit të serverit të tatimeve mund të shtyhet sërish, për shkak të mosparaqitjes së personave që janë thirrur. Megjithatë, që tani, thotë kreu i saj Arben Ristani, komisioni ka nxjerrë disa të dhëna të rëndësishme.

“Ne do të kërkojmë aq kohë sa na duhet për të mbaruar hetimet. Nuk ka një kohë përfundimtare. Komisionet nuk janë fiktive, janë produktive. Është komisioni i dytë që drejtoj. Komisioni për lëvizjet në policinë e shtetit ka qënë mjaft produktiv. Dhe ky komision tani ka nxjerrë një batutë qesharake nga ish ministri Financave që thotë që nuk veprojmë gjithmonë sipas letrave dhe ligjit, po dhe sipas qejfit. Ka nxjerr ky komision se grupi i auditimit është vendosur në kundërshtim me ligjin, ka nxjerr që serveri tatimeve është kopjuar dhe është marr që aty”, tha Ristani.

Për z. Ristani shkaktari kryesor i gjithë kësaj sorollatje janë pikërisht ata që kanë interesa që e vërteta të mos dalë në shesh. “Të jeni të bindur që shkaktari kryesor i gjithë kësaj sorollatje është pikërisht ata që kanë interesa që e vërteta të mos dalë në shesh. Në nga shkaqet që mbyllen bizneset, është presioni ndaj biznesve si pasojë e të dhënave që janë vjedhur nga serveri tatimeve”, tha ai.