Shkodër, dy “policë” grabisin argjendarinë me armë

Tjetër grabitje me armë në një argjendari. Këtë herë, ngjarja ka ndodhur në një zonë tepër të populluar të Shkodrës, ku dy persona të armatosur dhe të maskuar me uniformë policie dhe me maska, kanë grabitur argjendarinë “Çaku”.

Ngjarja ka ndodhur në mesditë në lagjen Rus të Shkodrës dhe mësohet se dy “policët”, kanë arritur të marrin dy pllaka me ar dhe të largohen.

Grabitësit kanë qenë me një motoçikletë sportive, me uniformë policie e të maskuar dhe para se të hynin në argjendari, kanë qëlluar me armë në ajër për të trembur kalimtarët e rastit që ishin të shumtë në ato momente.

Pasi grabitën mallin, ata hipën në motoçikletë dhe sipas dëshmitarëve, janë vonuar të largohen, pasi mjeti nuk po u ndiqej.

Edhe dy vjet më parë, kjo argjendari është tentuar të grabitet nën kërcënimin e armëve nga 2 persona, të cilët plagosën dy pronarët e pranishëm.