Shqipëria dhe Kroacia nënshkruan dje në Zabreb planin e bashkëpunimit në fushën e Shëndetit dhe Mjekësisë për vitet 2024-2026, bazuar në marrëveshjen dypalëshe të nënshkruar në Tiranë më 27 tetor 2003.
Plani i ri i bashkëpunimit u nënshkrua dje në Zagreb nga ministrja e Shëndetësisë dhe Mbrojtjes Sociale, Albana Koçiu, dhe ministri i Shëndetësisë së Kroacisë, Vili Beros në kuadër të vizitës zyrtare që delegacioni shqiptar i kryesuar nga Kryeministri Edi Rama po zhvillon në Kroaci.
Shqipëria dhe Kroacia do të thellojnë bashkëpunimin dypalësh në fushën e shëndetësisë në disa aspkete me interes reciprok kryesisht në fushat si: kujdesi shëndetësor parësor, edukimi dhe kërkimi shëndetësor, shëndetësia elektronike dhe siguria kibernetike, turizmi shëndetësor dhe shërbimi i urgjencës mjekësore.
Ministrat e Shëndetësisë së Kroacisë dhe Shqipërisë janë të vendosur për thelluar bashkëpunimin edhe për Programin e Transplantit si dhe produktet medicinale dhe pajisje mjekësore.
Koçiu dhe Beros u dakordësuan që të shtrijnë bashkëpunimin edhe në fushat e tjera si, shkëmbimi i informacioneve për programet shëndetësore, shkëmbimin e botimeve dhe literaturës edukative për shëndetin në përputhje me nevojat dhe aftësitë e palëve, shkëmbim të ekspertëve dhe grupeve të studimit, programet afatshkurtra të bashkëpunimit; pjesëmarrja e përfaqësuesve dhe ekspertëve të palëve në aktivitete shkencore dhe në projektet e ndërmarra; trajnime të specializuara për punonjësit shëndetësorë dhe akordimin e bursave për specializantë nga Shqipëria në Kroaci.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.