Operatori i Sistemit të Transmetimit (OST) dhe operatori i Malit të Zi (CGES) do të bashkëpunojnë për realizimin e përbashkët të planifikimit dhe zhvillimit të dy projekteve të rëndësishme të linjave të interkonjeksionit mes dy vendeve.
Administratori i OST-së, Skerdi Drenova si dhe homologu malazez Vladimir Bojicic nënshkruan dje në Tiranë memorandumin e mirëkuptimit.
Ndër projektet që palët angazhohen të bashkëpunojnë janë ai i rehabilitimit të linjës së interkonjeksionit ekzistuese 220 kV Vau i Dejës – Koplik – Podgoricë, me gjatësi totale rreth 160 km, projekt i cili konsiston në rindërtimin dhe fuqizimin e mëtejshëm të kësaj linje me qëllim rritjen e kapacitetit transmetues të saj.
Po ashtu, për projektin e linjës së re të interkonjeksionit 110 kV Ulqin-Velipojë, me gjatësi rreth 16 km.
“Nëpërmjet këtyre investimeve krijohet një korridor shtesë për transmetimin e energjisë elektrike mes dy vendeve dhe rritet ndjeshëm siguria dhe cilësia e furnizimit me energji e rajonit të Veriut duke shfrytëzuar plotësisht edhe potencialin turistik të zonës”, bën të ditur OST.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.