Specialja, Thaçi mbledh deputetët e PDK

Deputetët e PDK-së janë mbledhur në ambientet e Kuvendit të Kosovës paraditen e së martës, ku janë thërritur nga kryetari Hashim Thaçi për çështjen e Gjykatës Speciale.

Qeveria e koalicionit PDK-LDK pritet të rikthejë së shpejti në Kuvend për votim paketën ligjore për ngritjen e gjykatës së kërkuar nga ndërkombëtarët.

Ngritja e kësaj gjykate kundërshtohet jo vetëm nga partitë opozitare AAK, Vetëvendosje dhe Nisma, por edhe nga vetë deputetë të LDK-së dhe PDK-së.

Të hënën, Isa Mustafa deklaroi se deputetët e partisë së tij do të votojnë pa përjashtim pro gjykatës, ndërsa pritet që të njëjtën gjë t’u kërkojë edhe Hashim Thaçi të vetëve në takimin që po zhvillohet.