Sulmet në Siri/ Tirana dhe Prishtina pro Trump-it

Tirana dhe Prishtina mbështesin sulmin e Presidentit amerikan në Siri. Me postime në gjuhën angleze në Twitter, ministrat e Jashtëm, Ditmir Bushati dhe Enver Hoxhaj, përshëndetën vendimin e Trump.

“Bombardimet amerikane në Siri janë një përgjigje e fortë dhe e nevojshme e administratës amerikane kundër përdorimit të armëve kimike nga regjimi i Assadit”, shkruan Bushati.

Ndërsa shefi i diplomacisë kosovare, Enver Hoxhaj thotë se sulmi amerikan ishte i pashmangshëm dhe përgjegjësi e komunitetit ndërkombëtar në mbrojtje të civilëve ndaj akteve barbare të regjimit të Asadit.