Sulmohet me thikë gazetari i Klan Kosovës (Foto)

Gazetari i Klan Kosovës Milon Hasimja është sulmuar me thikë nga persona të panjohur në Qendrën Tregtare në Bregun e Diellit. Hasimja tashmë gjendet në Qendrën Emergjente në QKUK.

Zëdhënësi i Policisë, Baki Kelani ka konfirmuar për gazetën “Zëri”, rastin e therjes me thikë në Qendrën Tregtare në Bregun e Diellit.

Gazetari i “Zërit” është në vendin e ngjarjes, dhe mjekët kanë konfirmuar se gazetari Hasimja ka pas disa lëndime me thikë në qafë.

Ndërsa përveç Policisë në QKUK po qëndronë edhe drejtori i Klan Kosovës, Baton Haxhiu dhe familjarë të gazetarit të lënduar.

Doktoresha Nerxhivane Halimi ka thënë se pacienti është në ekzaminim e sipër, ka tri plagë të shkaktuara me thikë në regjionin e qafës dhe sipas saj së shpejti pacientit pritet ti bëhet një CT ku pritet të dihet shkalla e rrezikut plagëve. Ngjarja ka ndodhur në zyrat e Klan Kosovës.

Në një prononcim për “Zërin”, gazetari i lënduar Milot Hasimja thotë se është befasuar nga ky sulm pasi që nuk e din se përse ka ardhur deri te kjo.

“Në ato momente isha në redaksi duke shikuar se cilët ishin 5 filmat më të mirë të kësaj jave, dhe siç dihet unë nuk bëj storje për shëndetësi e as tema tjera përveç atyre relaksuese, dhe as privatisht nuk kam asgjë me askënd. Paramendo çfarë mund tu ndodh gazetarëve të cilët bëjnë storje hulumtuese. Nuk e di kush ka qenë vetëm se në ato momente me ato plagë kam dal jashtë dhe jam nis drejtë emergjencës”, ka thënë për “Zëri”, Hasimja

/Zëri/