Ekonomia
TAP vendos zgjerimin e furnizimeve me gaz, përfitime edhe për Shqipërinë
Peeraer theksoi se konsorciumi i TAP-it është në bisedime me një sërë bankash dhe agjencish të eksportit të kredive për të mbuluar financimin e projektit, nga i cili do të përfitojnë të gjitha vendet ku ai kalon.
Gjithashtu, Peeraer vuri në dukje se këto tubacione do të eliminonin një sasi të madhe të qymyrit dhe do të ndihmonin në dekarbonizimin e Europës.
“Relativisht, gazi është i lirë në krahasim me lëndët e tjera djegëse, dhe është më e lehtë të ndërtohet një rrjet gazi sesa një rrjet i energjisë elektrike. Gazi do të përmirësojë konkurrencën e industrisë së Bashkimit Europian dhe do të jetë pjesë e përzierjes energjetike për të ardhmen”, shpjegoi ai.
TAP, me vlerë 4,5 miliardë euro, është pjesë e Korridorit Jugor të Gazit, që është një nga projektet prioritare të energjisë për Bashkimin Europian.
Gazsjellësi do të lidhet me tubacionin e gazit të TransAnatolian (TANAP) në kufirin turko-grek, përmes Greqisë, Shqipërisë dhe detit Adriatik, përpara se të transportohet në jug të Italisë.
TAP do të jetë gjithsej 878 kilometra i gjatë, nga ku 550 kilometra në Greqi, 215 kilometra në Shqipëri dhe tetë kilometra në Itali.
