Task Forca Antikorrupsion, masa disiplinore për 12 punonjës

Ministrja e Drejtësisë, Etilda Gjonaj në kuadër të luftës kundër korrupsionit ka bërë të ditur sot janë evidentuar disa shkelje në Agjencinë Rajonale Mjedisore Durrës, ku janë marrë 9-të masa disiplinore, teksa janë kallëzuar në prokurori dhe tre punonjës të burgut të Fushë Krujës, të cilët akuzohen për shpërdorim detyre dhe falsifikim dokumentesh.

“Përgjatë të vitit 2018 është punuar për konsolidimin e strukturave antikorrupsion. Rritjen e hetimeve administrative dhe rritjen e transparencës të institucioneve shtetërore”, tha Gjonaj.

“Gjatë javës së shkuar “Task Forca Antikorrupsion” ka vijuar kontrollet. Pas denoncimit në platformën e bashkëqeverisjes “Shqiperiaqeduam.al”,  “Task Forca” ka kryer kontrolle në Agjencisë Rajonale të Mjedisit Durrës, lidhur me zbatimin e kërkesave ligjore për dhënien e lejeve mjedisore, monitorimin e lejeve mjedisore apo prokurimet e kryera”.

“Nga kontrolli, tha ministrja Gjonaj, janë vënë re shkelje në dhënien e lejeve të cilat rezultuan leje formale.Po ashtu u evidentua mos kryerja e verifikimeve në terren. Ashtu si edhe mungesa e standardizimit për monitorimet si dhe mos kryerja e matjeve të zhurmave nga laboratorët e akredituar për këtë detyrë”.

Sipas saj, “janë rekomanduar 9 masa disiplinore: Pezullim i rritjes në detyrë një periudhë dy vjeçare, dhe dy vite pa të drejtë rritje rroge për drejtorin e agjencisë rajonale të mjedisit Durrës gjatë kohës që ka ndodhur këto shkelje. Po ashtu vërejtje për drejtorin e komanduar të Agjencisë dhe shtatë vërejtje për specialistët e monitorimit dhe mjedisit”, tha ministrja Gjonaj.

“Sa i takon kontrollit të Brendshëm të Burgjeve. Në rrethin Krujë në datë 1/4/2019 janë referuar materialet procedimore në prokurorinë Krujës për tre punonjësve të IEPV Fushë Krujë për falsifikim dokumentesh dhe shpërdorim detyre”, tha ministrja Gjonaj.

“Nga strukturat kundër korrupsionit te Policia e Shtetit, janë evidentuar 19 vepra penale të korrupsionit dhe shpërdorimit të detyrës , 27 autorë të proceduar penalisht”, përfundoi ministrja.