Thaçi në Tiranë dekoron 13 personalitete të shkencës e kulturës shqiptare

Dekorimi i personaliteteve shqiptare të kulturës dhe shkencës ishte një moment i rëndësishëm i vizitës dy ditore të Presidentit të Kosovës, Hashim Thaçi në vendin tonë.

Kreu i Shtetit kosovare dekoroi 13 emra të artit dhe shkencës, për t’i falenderuar për rolin e tyre në mbështetje të lirisë dhe ndërtimit të shtetit të Kosovës, ndër ta edhe personalitete pas vdekjes.

Me Urdhrin e Pavarësisë, Thaçi dekoroi Dritëro Agollin, Xhevahir Spahiun, Moikom Zeqon, Shaban Sinanin, Ekrem Bardha, Vladimir Prela, pas vdekjes dhe Sabri Godo, pas vdekjes.

Ndërsa me Urdhrin Presidencial për Merita u dekoruan, Naim Zoto, Agim Doçi, Gjok Beci, pas vdekjes, Eduard Mazi, Fatime Sokoli, pas vdekjes dhe Edmond Zhulali.