Thaçi përkujton demonstratat e vitit 1968

Kryeministri në largim i Republikës së Kosovës, Hashim Thaçi ka vlerësuar se demonstratat e vitit 1968, për herë të parë u paraqitën kërkesat legjitime për Kosovën republikë, për hapjen e universitetit të Prishtinës si dhe për përdorimin e simboleve kombëtare.

Ja postimi i tij i plotë në Facebook:

Tani që kanë kaluar 46 vite nga demonstratat gjithë popullore të vitit 1968 nderojmë me respekt e mirënjohje organizatorët dhe pjesëmarrësit e tyre për guximin e madh dhe idealizmin e lartë që kanë treguar.

Në këto demonstrata për herë të parë u paraqitën kërkesat legjitime për Kosovën republikë, për hapjen e universitetit të Prishtinës si dhe për përdorimin e simboleve kombëtare.

Ato rritën vetëdijen kombëtare dhe aktualizuan çështjen e shqiptarëve brenda dhe jashtë Jugosllavisë duke nxitur edhe reformën kushtetuese të vitit 1974. Pas këtij viti përpjekjet e shqiptarëve për të siguruar të drejtat e tyre nuk rreshtën më kurrë derisa u rrumbullakësuan me shpalljen e pavarsisë së Kosoves.