Thaçi: Shembja e murit të Berlinit 25 vjet më parë gurëthemeli për demokracinë në Evropë

Zevendëskryeministri dhe ministri i Jashtëm i Kosovës, Hashim Thaçi kujton 25 vjetorin e shembjes së murit të Berlinit dhe e cilëson si gurëthemeli për demokracinë dhe lirinë në Evropë dhe si frymëzim për popullin e Kosovës në aspiratat për liri dhe shtet demokratik.

Zvendës kryeministri dhe ministri i Jashtëm i Kosovës, Hashim Thaci në nje status  të tij në Facebook të shtunën paradite, shkruan se “Sot, 25 vjet më parë, shembja e murit të Berlinit ishte shndërruar në gurthemel për demokracinë dhe lirinë në Evropë. Largimi i perdes së hekurt u bë frymëzim edhe për popullin e Kosovës në lëvizjet e pareshtura për jetësimin e aspiratave për liri dhe shtet demokratik. HTH”.