Teknologji
`Thread`, platforma e re e cila nxjerr në pah garën mes Meta dhe Twitter
Një platformë e re e sapolansuar ka fituar besimin e mbi 10 milionë përdoruesve në 100 vende të botës. Që në fillim të shtrirjes së saj ka nisur me rekorde, ndërkaq po konsiderohet si rivali kryesor i Twitter.
Platforma quhet “Threads” dhe është nën pronësinë e Mark Zuckerberg. Përveç ‘garës’ mes Zuckerberg dhe Elon Musk (pronari i “Twitter), ajo që mori vëmendjen e publikut ishte edhe mënyra se si ishte ndërtuar kjo platformë.
Ngjason me Twitter pikërisht për nga postimet e shkurtëra, me tekste deri në 500 karaktere të cilat mund të pëlqehen, ripostohen dhe të komentohen. Poashtu, platforma jep mundësinë edhe të përfshirjes së fotografive e videove të ndryshme deri në pesë minuta.
Në listën e përdoruesve janë edhe Jennifer Lopez, Shakira dhe Hugh Jackman, si dhe media si Washington Post, Reuters dhe Economist.
“Thread” pritet së shpejti të jetë i disponueshëm edhe në Evropë, teksa tani po rregullohet pjesa e sigurisë së saj.
