Tiranë, IKMT nis shembjen e godinave për zgjerimin e Unazës së Madhe

Inspektorati Kombëtar i Mbrojtjes së Territorit nisi sot një operacion në kuadër të projektit për zgjerimin e rrugës në Unazën e Madhe, në kryeqytet. Sipas zyrës së shtypit të IKMT-së, plani i punës përfshin segmentin rrugor Komuna e Parisit- Shkolla Teknologjike.

IKMT thekson se është në mbështetje të Autoritetit Rrugor Shqiptar, i cili ka kryer edhe shpronësimet e objekteve të planifikuara për shembje.

Sot IKMT ka planifikuar shembjen e tri godinave, përkatësisht dy trekatëshe dhe një njëkatëshe. Operacioni në këtë zonë parashikohet të zgjasë disa ditë.