Tiranë/ Plagoset me armë i riu, policia nis hetimet

Një ngjarje e rëndë kriminale ka ndodhur në orët e para të mëngjesit të sotëm, ku një i ri ka mbetur i plagosur si pasojë e një shkëmbimi zjarri.

Burime nga Policia e Tiranës bëjnë të ditur se ngjarja ka ndodhur rreth orës 1 të mëngjesit të së hënës në një pikë bastesh pranë rrugës “Pandi Dardha”, ku ishte i ulur viktima Erjon Kapollari. Mësohet se 23-vjeçari Kapollari është qëlluar me armë zjarri në këmbë dhe për pasojë ka mbetur i plagosur dhe fatmirësisht jashtë rrezikut për jetën.

Policia e mbërritur menjëherë në vendngjarje ka nisur hetimet dhe pas një pune intensive hetimore ka identifikuar autorët dhe po punohet për kapjen e tyre. Dyshohet se atentati ka ndodhur për hakmarrje.