Tiranë, zjarr në një apartament; nuk raportohen të dëmtuar

Një apartament është përfshirë nga flakët mesditën e së hënës në kryeqytet. Ngjarja ka ndodhur në një pallat pranë zonës së njohur si “Pallati me shigjeta”, por pa sjellë rrezik serioz për banorët.

Ende nuk dihet shkaku i rënies së zjarrit, ndërkohë që në vendngjarje shkuan forca të shumta policie dhe ato zjarrfikëse. Vetëm pak pas ndërhyrjes zjarri është shuar, ndërkohë që do të hetohen shkaqet dhe pasojat.