Tmerr në Vlorë, dhunon ish-bashkëshorten në mes të rrugës e në sy të fëmijëve

Një person është ndaluar nga Policia e Vlorës pas publikimit të një videoje në rrjetet sociale, ku ai shfaqet duke dhunuar ish-bashkëshorten e tij në rrugë në qytetin e Vlorës.

Gruaja e re mban në krahë një fëmijë që qan dhe një tjetër fëmijë të mitur për dore, por kjo nuk e ka penguar ish-bashkëshortin e saj që ta godasë dhunshëm në sy të tyre.

Kalimtarët kanë ndërhyrë për të penguar personin që të mos e dhunojë me bashkëshorten e tij, ndërsa ka reaguar edhe Policia e Vlorës.

Policia ka identifikuar dhe ka shoqëruar menjëherë shtetasin Ilirjan Pajo, 44 vjeç banues në lagjen “11 Janari” në Vlorë.

Sipas policisë, paraditen e sotme në orën 10, në Tregun e Madh në lagjen “28 Nëntori”, për motive të dobta, ai ka shkaktuar dhunë ndaj ish-bashkëshortes së tij.

Arrestimi është bërë në zonën e quajtur “Pusi i Mezinit”, ndërsa dhunuesi po përpiqej t’i ikte policisë.