Tryeza e 46 partive politike, draft me 4 prill për ndryshimet në Kodin Zgjedhor

Partitë politike jo parlamentare dhe disa parlamentare janë mbledhur sot në mesditë në Hotel Tirana në një tryezë të zgjeruar në vijimësine e takimeve për të bërë të mundur ndryshimet në Kodin Zgjedhor.

Tryezës politike i janë shtuar sot edhe parti të tjera përfaqësuar nga  Spartak Ngjela, Kreshnik Spahiu, Sulejman Gjana, Adriatik Alimadhi etj, madje kolori ishte i larmishëm përtej ngjyrave politike për një Kod Zgjedhor që të përmbushe në radhë të parë standardet dhe përfaqësimin real të votës së qytetarëve në parlament.

Qëllimi i takimit ishte hartimi i një drafri për ta bërë prezent në parlament me ndryshimet e përcjella nga 46 parti politike, qe kerkojne një Kod Zgjedhor të korrektuar kombëtar, komisionere jo partiake, financim të partive politike dhe përmiresimin në tërësi te Kodit Zgjedhor, pasi sipas tyre, Kodi aktual është antikushtetues.

Pas diskutimeve nga kreret e partive politike, koodinatori i tryezës për partitë e vogla, Eduart Abaz,i tha se “tashmë në këtë tryezë të zgjeruar vijojme takimet për të finalizuar përfundimisht qëndrimin tonë dhe pikë së pari në këtë takim u ra dakort që të paraqesim një draft që ta analizojmë me 4 prill dhe pastaj ta çojmë në parlament”.

Kryetari i Partisë së Unitetit Kombëtar, Idajet Beqiri, solli argumentin duke u shprehur se në radhë të parë duhet të bëhemi pjesë e procesit me një drafti, e pastaj të kemi dhe një qëndrim politik.

Ndërsa kryetari i partisë Ligj dhe Drejtësi, Spartak Ngjela, kërkoi qëndrim politik të tryezës si një mëryrë efikasë për të ushtruan ndikimin e më shumë se 582 mijë votava që përfaqëson kjo tryezë, madje nuk u ngurua për një aleancë gjithëpërfshirëse nëse dy partitë e mëdha nuk bëhen pjesë në ndryshimet në Kodit Zgjedhor .

Takimi i radhës mbahet më 4 prill, ku do të bëhet prezent dhe drafti i propozuar nga 46 partitë politike për ndryshimet në Kodin Zgjedhor.