Turqi, lideri kurd Ocalan: Ti japim fund luftës 40-vjeçare kundër Turqisë
Lideri i burgosur kurd, Abdullah Ocalan ka publikuar sot ne qytetin turk te Diarbakerit detajet e planit të shumëpritur të paqes me Turqinë.
Deklarata e Ocalan është lexuar nga politikanët pro kurdë të cilët e kanë vizituar liderin kurd në burg ditën e enjte. “Më duket e nevojshme për PKK që të thërrasë një kongres për t’i dhënë fund luftës 40-vjeçare të armatosur kundër Republikës së Turqisë dhe për të përcaktuar strategjitë dhe taktikat politike dhe sociale në përputhje me frymën e epokës së re”, thuhet në letrën e shkruar nga Ocalan.
Në deklaratë, Ocalan theksoi nevojën për një zgjidhje demokratike ndaj problemit kurd, duke argumentuar se “luftërat pakuptimta dhe të pamëshirshme ishin rezultat i krizës neoliberale të shkaktuar nga kapitalizmi imperialist dhe bashkëpunëtorët e tij lokal”.
Armëpushimi ka nisur në vitin 2013 ndërsa janë shtuar shpresat për një përfundim të plotë të konfliktit. Më shumë se 40 mijë njerëz, pjesa më e madhe kurdë kanë humbur jetën gjatë këtij konflikti ndërsa Ocalan ndodhet në burg që nga viti 1999.
