Unioni i Gjyqtarëve Shqiptarë: Deklarata e Tahirit, e paprecedentë

Unioni i Gjyqtarëve Shqiptarë ka reaguar pas deklaratave të ministrit të Brendshëm Saimir Tahiri, duke i konsideruar ato të paprecedenta.

“Deklarata e ministrit Saimir Tahiri për gjyqtarin Arjan Aliaj është e paprecedentë. Vendimi i gjyqtarit erdhi në funksion të një procedimi penal të iniciuar nga prokuroria”, lexohet në njoftimin e Unionit të Gjyqtarëve Shqiptarë.

“Këto deklarata nuk kanë për qëllim shtetin e së drejtës dhe qeverisjen demokratike. Kërkojmë vëmendjen e ambasadorëve. Të mbajnë qëndrim ndaj këtyre deklaratave”, shton UGJSH-ja.