Ushtria turke shkatërron 27 objektiva të terroristëve në veri të Irakut

Shtabi i Përgjithshëm i Turqisë në një deklaratë për shtyp ka njoftuar se ka shkatërruar 27 objektiva të organizatës terroriste PKK në veri të Irakut.

Në deklaratë thuhet se ditën e djeshme rreth orës 21:58 – 23:46 janë goditur dhe shkatërruar 27 objektiva të PKK në rajonet Zap dhe Gara. Operacioni ajror është ndërmarrë pas një informacioni të dhënë nga shërbimet sekrete turke.

Avionët e ushtrisë turke kanë shkatërruar 27 objektiva ku mes tyre ka depo armatimesh dhe vende strehimi të terroristëve të PKK.

Në deklaratë thuhet gjithashtu se avionët pas operacionit janë kthyer me sukses në bazat e tyre.