Vajza shqiptare terrorizon Torinon, tenton vetëvrasjen në një hotel

Kalimtarët e një prej rrugëve më të frekuentuara të qytetit e Torinos në Itali janë përballur më një skenë aspak të mirë mëngjesin e sotëm.

Një shqiptare e moshës 29-vjeçare ka kërcënuar se do hidhej nga dritarja e hotelit.

Sipas mediave italiane mësohet se shqiptarja ka tentuar të vetëvritet, pasi kishte probleme me punën.

Zjarrfikësit ndërhynë me vinça dhe bënë të mundur largimin e saj nga parvazi ku kishte hipur.

Policia ka marrë në pyetje 29-vjeçaren lidhur me shkaqet që e çuan për të ndërmarrë këtë veprim, por deri më tani ka përmendur vetëm problemet me punën.

Tentimi për vetëvrasje, ka shkaktuar trafik në rrugën ku ndodhi ngjarja, pasi dhe tramvaj u bllokua për disa orë.