Veseli- Plevneliev: Kosovë dhe Bullgaria rrisin bashkëpunimin në fushën ekonomike

Kryetari i Kuvendit të Kosovës, Kadri Veseli ka takuar sot Presidentin Bullgarisë, Rosen Plevneliev.

Kryetari i Kuvendit të Kosovës, Veseli në një postim në statusin e tij ne Facebook, paraditen e së premtes, shprehet se “Gjatë paraditës së sotme, kisha kënaqësinë të takoj mikun tim, Presidentin e Bullgarisë, Rosen Plevneliev. E falënderova për qasjen shumë pozitive dhe përkrahjen e vazhdueshme që kemi nga shteti bullgar”.

“Marrëdhëniet mes vendeve tona janë të shkëlqyera dhe ne jemi të gatshëm t’i thellojmë ato, sidomos në fushën ekonomike. Vendi ynë duhet të shihet si destinacion investimi, sepse, ka burime natyrore të mjaftueshme, ka një ambient të favorshëm për investime si dhe kemi popullsinë më të re në rajon.K.V”, shkruan Veseli.