Vjedhja e 713 mln lekëve, pyetet ish-drejtori Çollaku

Prokuroria ka marrë në pyetje sot ish-drejtorin e Emisionit në Bankën e Shqipërisë, Dorian Çollaku  në lidhje me vjedhjen e 713 mln lekëve nga Thesari. Çollaku është marrë në pyetje nga prokurori Ramadan Troci në ambientet e burgut 313 ku ai qëndron prej dy javësh në praninë e avokatit mbrojtës Mark Pëllumbi.

Çollaku është një ndër 10 të arrestuarit për ngjarjen e rëndë të grabitjes në bankë, pasi u vetëdorëzua pas daljes së urdhër arrestit ndaj tij.

Prokuroria ka dyshime se paratë e vjedhura mund të jenë transferuar jashtë vendit , ndërsa nga këqyrja e sistemit TIMS rezulton se Çollaku për një kohë të shkurtër ka bërë 34 hyrje-dalje në kufi. Vetë ai e ka justifikuar këtë me një master që zhvillon në Athinë.