Vlorë, gjenden 97 kg kanabis e hedhur në det nga trafikantët

Një sasi prej 97 kg kanabis sativa është sekuestruar nga policia kufitare e Vlorës dhe Delta Force. Gjatë kontrollit të territorit tokësor dhe ujor përreth Gadishullit të Karaburunit, është konstatuar një sasi me lëndë narkotike brenda në det, pranë vendit të quajtur “Gjiri i varkave”, Karaburun.

Lënda narkotike u gjet e ndarë në 4 pako të përmasave të ndryshme, të mbështjella me qese plastike transparente, të cilat pasi u peshuan, pesha e tyre rezultoi prej 97 kilogramë material bimorë narkotik, e dyshuar si kanabis. Policia bëri sekuestrimin e lëndës narkotike në cilësinë e provës materiale.

Po punohet për kapjen e autorëve në lidhje me këtë ngjarje dhe vendosjen e tyre përpara përgjegjësisë penale.