Vlorë, shkrumbohen tre automjete në zonën e Skelës

Tre automjete janë shkrumbuar nga flakët në parkimin e një pallati, në zonën e Skelës në Vlorë.

Automjetet gjendeshin të parkuara pranë njëra-tjetrës në momentin kur flakët kanë shpërthyer në një nga mjetet e më pas kanë djegur edhe dy të tjerët.

Mjetet rezultojnë në pronësi të shtetasve Besnik Brokaj, Genti Allushi dhe Luan Korja.

Burime nga shërbimi i zjarrfikësve saktësojnë se zjarri ka qenë i qëllimshëm në një prej automjeteve, por policia nuk përjashton as pistën e defektit në sistemin elektrik në njërin prej mjeteve.