Kronika
Vodhën 530 milionë $ në SHBA përmes internetit, 36 të arrestuar, mes tyre 2 shqiptarë
Departamenti i Drejtësisë në SHBA ka ngritur ndaj 36 personave për përfshirje në vjedhjen e identitetit të njerëzve në internet, në një skemë që shkaktoi humbjen e 530 milionë dollarëve të klientëve, bizneseve dhe institucioneve financiare.
13 individë janë arrestuar nga autoritetet ndërkombëtare, dy prej të cilëve janë shtetas kosovarë. Të tjerët janë amerikanë, australianë, britanikë, francezë, italianë e serbë.
“Aktakuzat dhe arrestimet e sotme përbëjnë një nga ndjekjet më të mëdha në fushën e kibernetikës të ndërmarra në historinë e Departamentit të Drejtësisë”, deklaroi John Cronan, ndihmës-Prokurori i Përgjithshëm. Ky departament i publikoi emrat e te akuzuarve e bëri të ditur dhe ato të dy kosovareve: Besart Hoxha dhe Liridon Musliu.
Zyrtarët e tij kanë bërë kërkesë për ekstradimin e tetë të pandehurve nga vendet jashtë SHBA-se. Padia e ngritur ndaj tyre liston 117 vepra të kriminalitetit kibernetik nga anëtarët e këtij grupi të hakerave, e përfshin keqpërdorime me karta të kreditit dhe shitje të informacioneve të vjedhura në internet.
