Vodhën energji elektrike, arrestohen 3 shtetas në Shkodër

Policia e Shkodrës, në kuadër të operacionit “Hajdutët e energjisë” ka prangosur tre shtetas të cilët akuzohen se në bashkëpunim me punonjës të OSHEE-së kanë krijuar lidhje të paligjshme në banesën apo biznesin e tyre.

Sipas burimeve nga Policia e Qarkut Shkodër është arrestuar shtetasi Shkëlzen Dlija, 36 vjeç, i cili kishte lidhur në rrugë të paligjshme energjinë elektrike pranë biznesit të tij.

Po ashtu u arrestua Nikolin Shqau, 36 vjeç, i cili kishte lidhur në rrugë të paligjshme energjinë e elektrike në banesën e tij, në fshatin Hot i ri.
Gjithashtu filloi proçedimi penal në gjendje të lirë për shtetasit Tonin V, vjeç 38, banues në Shkodër, sepse në bashkëpunim me specialistët e OSHEE- së ka kryer lidhje të paligjshme të energjisë elektrike në banesë.