Vrasësi i gjashtëfishtë në Pennsylvania gjendet i vdekur

I dyshuari për vrasjen e gjashtë personave në Pennsylvania, trupi i të cilit është gjetur pranë shtëpisë së tij të martën, ka vdekur nga “plagët që ia kishte shkaktuar vetes me thikë”, ka thënë policia në vend.

Bradley William Stone, 35-vjeç nga Pennsburgi, ishte në kërkim për vrasjen e ish-bashkëshortes së tij, të ëmës së saj, gjyshes, motrës dhe dy pjesëtarëve tjerë të familjes së saj, përfshirë edhe mbesën e tyre 14 vjeçe. Prokurorja e qarkut Montgomery, Risa Vetri Ferman, ka thënë gjatë një konference se trupi i Stones u gjet të martën pasdite rreth gjysmë milje larg shtëpisë së tij.